Petishon pa deklarashon di entrada

Tuma nota!

Hasi bo deklarashon di impuesto promé i despues pidi Bo deklarashon di entrada

Por hasi petishon pa un deklarashon di entrada despues ku bo hasi bo deklarashon di impuesto I esaki keda prosesá pa Servisio di Impuesto. E ora ei numa Servisio di Impuesto por entregá bo un deklarashon di entrada.

Apoderashon

Bo mes no ta apto pa bin buska bo deklarashon di entrada na Servisio di Impuesto? Bo tin e posibilidat pa apoderá un persona pa hasi esaki pa bo. Pa por buska e deklarashon di entrada pa un otro persona, mester bini ku:

  • un identifikashon bálido
  • un kopia di un identifikashon bálido di e persona ku bo kier tuma su deklarashon di entrada p’e
  • un karta di aprobashon firmá. Den e karta e persona di kual bo ta tuma e deklarashon di entrada, mester konfirmá ku e a duna bo pèrmit pa tuma e deklarashon di entrada p’e
Download e formulario di aprobashon

Kiko ta un deklarashon di entrada?

Un deklarashon di entrada ta un deklarashon ofisial ku ta wòrdu otorgá dor Inspekshon di Impuesto ku ta kontené dato di entrada di un persona basá riba un sierto aña di impuesto

Ki ora bo mester di un deklarashon di entrada?

Un deklarashon di entrada bo mester por ehèmpel pa:

  • Persona nan ku ta paga impuesto i ku ta biba na Kòrsou por usa esaki na ora di paga DUO (Dienst Uitvoering Onderwijs, voormalige IB-groep)
  • kompensashon pa kuido dental i/of pa brel na Banko di Seguro Sosial (SVB)
  • deklarashon pa “toelatingsorganisatie” Kòrsou na ora di haña un pèrmit di estadia i/of pa reunion di un famia
  • petishon pa asistensia hurídiko (abogado prodeo)
  • petishon pa penshun di behes na Banko di Seguro Sosial (SVB)

Kiko tin para riba bo deklarashon di entrada?

Riba un deklarashon di entrada tin e siguiente dato nan:

  • dato tokante bo entrada;
  • e aña di impuesto di kual e deklarashon di entrada a keda otorgá;
  • nòmber, number di crib i number di identifikashon;
  • stèmpel ofisial di Inspekshon di Impuesto.

Petishon pa un deklarashon di entrada

Bo mester di un deklarashon di entrada? Bo por hasi petishon pa esaki online ku e formulario ‘petishon pa deklarashon di entrada’. Bo por pasa tuma bo deklarashon di entrada despues di 3 dia di trabou na e “snelbalie” di informashon na Inspekshon di Impuesto na Regentesselaan s/n, kompañá pa un identifikashon bálido.

Tuma nota: bo por pidi solamente 1 deklarashon di entrada na mes momento. Si bo ta deseá mas deklarashon, bo mester yena diferente formulario.

1. Deklarashon di Impuesto

Bo a entregá bo deklarashon di impuesto kaba??

Bo por hasi petishon pa bo deklarashon di entrada despues ku bo a kaba di hasi bo deklarashon di impuesto i ela wòrdu prosesá den nos sistema.

Bo no a hasi bo deklarashon di bo impuesto di entrada ainda? Hasi esaki mas lihé ku ta posibel. Riba www.belastingdienst.cw bo por hasi bo deklarashon di impuesto di entrada.

2. Dato di e persona ku ta hasi petishon

Yena tur e dato nan aki bou menshoná

* = ta obligá pa yena

3. Meta di e petishon

Marka loke ta aplikabel:

Demas splikashon

4. Aña di Impuesto

Bo petishon ta rekerí aña di impuesto:

5. Remarke

Si bo tin remarke, bo por hasi esaki aki nan

Bo a sobra ainda karakter.

Bo konekshon ku server di servisio di impuesto ta sigurá pa medio di SSL i terser persona no por haña akseso na esakinan. E datonan ta kodifiká for di momentu ku yena esakinan. Klek aki pa mas informashon.

Bo datonan ta sigurá

Dor di suministrá bo datonan personal, bo ta duna Servisio de Impuesto pèrmit pa prosesá i warda e datonan akí den un fail sentral, ku ta protehá pa medidanan di seguridat adekuá. E medidanan akí ta enserá entre otro kodifikashon di e datonan suministrá. Kodifikashon ta enserá ku dor di hasi uzo di un sertifikado SSL (Secure Sockets Layer), e komunikashon entre e server i bo kòmpiuter ta sigurá pa medio di protokòl di enkripshon.